AKTUALITETSTAR CHANNEL
Dy avionë në operacion për shuarjen e zjarrit në Drenie–Vlosh, vijon lufta me flakët nga toka dhe ajri
Vijon prej orësh operacioni për shuarjen e zjarrit në ekonominë pyjore Drenie–Vlosh, ku flakët janë riaktivizuar me intensitet gjatë ditës së sotme.
Në terren janë angazhuar forcat zjarrfikëse të Patosit, Roskovecit, Divjakës, Beratit dhe strukturat e Albpetrolit, të cilat po punojnë për izolimin dhe neutralizimin e vatrave të zjarrit.
Reklama në FieriWeb - “PIZZA ITALIA FIER”
Ndërhyrja po kryhet si nga toka, ashtu edhe nga ajri, ku dy avionë janë angazhuar në operacionin për shuarjen e zjarrit, duke hedhur ujë mbi zonat e përfshira nga flakët.
Për shkak të terrenit të vështirë dhe përhapjes së zjarrit në zonën pyjore, operacioni vijon me intensitet, ndërsa forcat në terren po punojnë për të parandaluar përhapjen e mëtejshme të flakëve.
