Dy gëzime në një ditë! Këngëtarja e njohur Dafina Zeqiri drejt altarit, merr propozimin për martesë në ditën e saj të lindjes
Këngëtarja e njohur shqiptare, Dafina Zeqiri, i ka thënë “PO” propozimit për martesë nga partneri i saj, biznesmeni kosovar Kreshnik Gjergji.
Në disa foto të postuara në rrjetet sociale, Dafina ka zbuluar se partneri i saj i ka propozuar për martesë, duke treguar edhe unazën mbresëlënëse që ai i ka vënë në gisht.
“Të dua!”, ka shkruar këngëtarja krahas fotove nga momenti i propozimit.
Por, ky nuk është gëzimi i vetëm i Dafinës ditën e sotme, pasi këngëtarja feston sot edhe ditëlindjen e saj të 35-të.
Lidhja e tyre u bë publike vitin e kalaur dhe që nga ai moment, të dy nuk e kanë fshehur ndjenjën e fortë që kanë për njëri-tjetrin, duke publikuar foto romantike dhe dedikime të ëmbla.
Madje, Kreshniku ishte krah saj si në koncerte ashtu edhe në të përditshmen e saj.
