Dy të arrestuarit që dhunuan avokatin Mëngjesi do të mësojnë sot masën e sigurisë, Prokuroria kërkon burg për autorët
Sot do të mbahet seanca gjyqësore për autorët e sulmit ndaj avokatit, Sokol Mëngjesi. Në lidhje me ngjarjen e rëndë Prokuroria ka kërkuar arrest me burg për Dritan Nanon dhe Dorian Alian. Pas ngjarjes u zbulua se Nano ishte organizatori dhe Alia ishte autor ndërsa pas sulmit u dorëzua në polici.
Ndaj tyre rëndojnë akuzat plagosje e rëndë me dashje kryer ne bashkëpunim, kundërshtim dhe goditja e gjyqtarit po e kryer ne bashkëpunim. Edhe për Drivald Alia, Elton Kasaj dhe Romario Tabaku, prokuroria ka kërkuar caktimin e masës së sigurisë arrest me burg në mungesë për të njëjtat akuza si Nano e Alia.
Avokati i Berishës, Sokol Mëngjesi u sulmua barbarisht më 29 maj, nga katër persona, në derën e kopshtit teksa po linte djalin. Mëngjesi vijon në monitorim intensiv në reanimacion, në gjendje të rëndë shëndetësore. Avokati vijon i shtruar në spital në gjendje të rëndë.
