Në media është shpërndarë momenti kur 32-vjeçari sirian plagos fëmijët në parkun e lojërave.
Opinioni publik francez është i tronditur dhe thellësisht i shqetësuar nga sulmi i sotëm i një 32-vjeçari sirian, i cili para orës 10 të mëngjesit, sipas orës lokale, goditi me thikë gjashtë persona në një shesh në qytetin Annecy në Haute-Savoie, katër fëmijë të vegjël, nga mosha dy deri në 3 vjeç dhe dy të rritur.
Nga dy fëmijët e tjerë që u goditën me thikë, njëri është vetëm 22 muajsh, me origjinë gjermane, ndërsa tjetri tre vjeç, me origjinë nga Britania. Autori që shpërndau terror në këndin e lojërave ku luanin të shkujdesur fëmijët e vegjël quhet “Abdalmasih H”. Ai ka marrë statusin e refugjatit në Suedi, është i martuar me një grua suedeze dhe është baba i një fëmije tre vjeçar. Autori nuk kishte “dosje” në Polici. Atij i është gjetur një kryq dhe siç është shprehur ai është i krishterë me origjinë siriane.
This is footage of the man who is alleged to have stabbed 7 people, including multiple children, in Annecy, France. He is thought to be a Syrian 'refugee'. pic.twitter.com/tlH9KOiyrs
— Way of the World (@wayotworld) June 8, 2023
Siç raporton gazeta franceze “Le Figaro”, sulmuesi sirian ka lindur në janar të vitit 1991. Ai kishte hyrë legalisht në Francë ndërsa kishte aplikuar për azil nëntorin e kaluar, sipas një burimi policor.
Mirëpo, siç raporton rrjeti francez BFMTV, pasi që atij i ishte dhënë statusi i refugjatit në Suedi, kërkesa e tij në Francë u refuzua.
