E RËNDË në Durrës/ Kishte humbur kontaktet me familjen para dy ditësh, 20-vjeçari gjendet i mbytur në det
Një ngjarje e rëndë raportohet se ka ndodhur mbrëmjen e djeshme në Durrës. Një 20-vjeçar është gjendur pa shenja jete në det rreth orës 20:30, në lagjen nr. 13 Durrës, në Sektorin Iliria.
Dyshohet se i riu banues në Cërrik, Elbasan është mbytur aksidentalisht pasi nga këqyrja paraprake e trupit nuk janë konstatuar shenja dhune. Sipas informacioneve policore, i riu kishte humbur kontaktet me familjarët dy ditë më parë.
Durrës/Informacion paraprak
Rreth orës 20:30, në lagjen nr. 13 Durrës, në Sektorin Iliria, është gjetur i pa jetë në det, dyshohet i mbytur aksidentalisht, shtetasi A. R., 20 vjeç, banues në Cërrik, Elbasan.
Nga këqyrja paraprake e trupit nuk janë konstatuar shenja dhune. 20 vjeçari kishte humbur kontaktet me familjarët dy ditë më parë.
Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit.
