E rëndë në Greqi/ 55-vjeçari shqiptar gjendet i vdekur në një rezervuar ujërash të zeza
Greqi – Një ngjarje e rëndë është shënuar në Greqi, ku një 55-vjeçar shqiptar është gjetur i vdekur ditën e sotme (4 gusht).
55-vjeçari ishte zhdukur që prej mëngjesit, por disa orë më vonë u gjet pa shenja jete në një rezervuar të ujërave të zeza në zonën Dafnes, Heraklion.
Mediat greke raportojnë se trupi i tij u nxor nga ekipet e shpëtimit,
Viktima kishte shkuar në vendngjarje me kolegun e tij për të kontrolluar nivelin e ujërave të zeza, i cili kishte tejkaluar limitin e lejuar.
Gjatë punës, punëtori i dytë vuri re se 55-vjeçari ishte zhdukur dhe menjëherë njoftoi autoritetet.
Shkaqet e sakta të vdekjes po hetohen, ndërsa pritet një ekspertizë mjeko-ligjore që të hedhë dritë mbi rrethanat e tragjedisë.
Hetimet paraprake janë duke u zhvilluar nga autoritetet kompetente.
