E trishtë! Ndërron jetë aktori i njohur i Hollywoodit, zbulohet shkaku i vdekjes
Aktori i njohur në filmat “Star Trek” dhe “Alien Nation”, Gary Graham është ndarë nga jeta në moshën 74-vjeçare, në shtëpinë e tij në Spokane Valley, Uashington.
Lajmin e trishtë e ka konfirmuar për mediat bashkëshortja e tij Becky Graham, e cila tregoi se shkaku i vdjekes së aktorit ishte arresti kardiak.
Me një karrierë 50 vjeçare në fushën e aktrimit, Graham fillimisht u diplomua në mjekësi, por më pas vendosi që ti përkushtohej pasionit të tij për të aktruar.
Ai luajti në një sërë filmash të tjerë si, “Starsky dhe Hutch”, “The Incredible Hulk”, “Robot Jox”, “The Last Warrior”, “All The Right Moves”, “Danger Island”, “Dreams Awake”.
Gary Graham ka lënë pas gruan dhe një vajzë nga martesa e tij e parë, Haylee Graham, motrat Colleen Bertucci dhe Jeannine Michele Graham.
