Ekzekutimi i 38-vjeçarit në Sukth/ Viktima pa precedent penal, pista kryesore ajo e hakmarrjes, vëllai i tij akuzohet…
Hakmarrja, është pista kryesore që janë përqëndruar hetimet për zbardhjen e vrasjes së 38-vjeçarit Fatjon Dervishi mesnatën e kaluar në Sukth. ben me dije gazetari i Faxnews Elvis Myrta. Viktima është person pa precedent por, vëllai i tij, është i akuzuar për vrasjen e një personi tjetër.
Ngjarja ka ndodhur jashtë kufijve të Shqipërisë. Përsa i përket dinamikës së ngjarjes 38-vjeçari, nuk ka qenë i vetëm në makinë. Ai ka qenë i shoqëruar nga një mik i tij kur është qëlluar me breshëri kallshnikovi, në zonën e shinave.
I marrë në pyetje si dëshmitar okular, miku i viktimës është shprehur se ata kanë qenë në makinë, kur janë qëlluar me breshëri automatiku. Ndërkohë që policia dhe prokuroria e Durrësit, që po punojnë për zbardhjen e kësaj ngjarjeje kanë sekuestruar disa kamera sigurie të banesave, por dhe bizneseve ne Sukth, me qëllim identifikikimin e ndonjë gjurme nga ana e autorëve.
