Ekzekutohet në prani të familjes bosi i mafies greke/ Plumbat kapin vajzën e tij 22 vjeçare, si u plagos me thikë nga shqiptarët në 2018 në burg
Bosi i mafies greke, Giannis Skaftourou, është ekzekutuar me breshëri kallashnikovi mbrëmjen e djeshme në Dervenochoria. Sipas raportimit të medieve greke, 55-vjeçari u qëllua me armë pranë shtëpisë së tij, ndërsa ka mbetur e plagosur edhe vajza e tij 22 vjeçare.
55-vjeçari ishte bashkë me të afërm të tij, duke festuar pas Pashkëve, ku persona ende të paidentifikuar qëlluan me breshëri dhe një plumb kapi vajzën e tij, e cila u dërgua menjëherë në spital për të marrë ndihmën e parë mjekësore.
Ai udhëtonte shumë rrallë në Atikë ose i shoqëruar nga badigardë pasi kishte frikë për ndonjë atentat të mundshëm ndaj tij.
Giannis Skaftouros konsiderohet si një nga “bosët“ e mafias greke”, ndërsa ishte i përfshirë në vrasje, rrëmbim, shantazh dhe vepra të tjera të rënda.
Në verën e vitit 2018, teksa ndodhej në burgun e Korydallos, ai u sulmua me thikë nga anëtarë të mafias shqiptare.
