BOTA
EMRAT/ Po transportonin kanabis me vlerë 125 mijë paund, arrestohen dy të rinj shqiptarë në Angli
Dy shqiptarë janë arrestuar në Angli, pasi u kapën duke tranportuar 12.5 kg kanabis me vlerë 125,000 £.
31-vjeçari Redjon Gjolena dhe pasagjeri i tij 22-vjeçari Halil Xhediku pranuan në gjykatë se të dy po transportonin kanabis të cilën e kishin fshehur në dy çanta të mëdha rrobash, ndërsa fillimisht Gjolena tha se po shëtiste një mik në Skoci dhe se nuk dinte gjë për drogën në mjet.
Gjolena, i cili u la në paraburgim që nga arrestimi i tij, tashmë pritet të largohet nga vendi. 22-vjeçari Xhediku i cili pranoi fajësinë tha se edhe ai erdhi në Mbretërinë e Bashkuar nga Shqipëria për të kërkuar punë dhe një jetë më të mirë.