Entuziazëm i jashtëzakonshëm në Fier për Filmin “FALLI 2”, shfaqjet e para “sold out” në Teatrin Bylis
FIER – Filmi shqiptar “FALLI 2” është pritur me një entuziazëm të jashtëzakonshëm nga publiku fierak, duke mbushur sallën e Teatrit “Bylis” që në natën e parë të shfaqjes.
Mbrëmjen e djeshme, më 31 janar, shfaqja e parë e filmit ka rezultuar tërësisht “sold out”, ndërsa interesi i lartë i publikut ka konfirmuar edhe dy netë të tjera shfaqjeje, më 1 dhe 2 shkurt, në të njëjtat orare.
Në mbrëmjen e parë kanë qenë të pranishëm edhe aktorët Behar Meraj dhe Marjana Kondi, si dhe producenti i filmit, Marjus Dervishi, të cilët janë pritur me shumë duartrokitje nga publiku fierak.
“FALLI 2” po konfirmohet si një nga filmat shqiptarë më të ndjekur të momentit, falë humorit, emocioneve dhe një kasti të njohur aktorësh, duke mbushur sallat kudo ku shfaqet.
🎬 “FALLI 2” vijon shfaqjet në Fier
📍 Teatri “Bylis”
📅 1 & 2 Shkurt
⏰ 17:00 & 19:00
🎟️ Bileta: 500 lekë
📢 Për shkak të interesit të lartë, publiku ftohet të sigurojë biletat paraprakisht, për të mos mbetur jashtë.
