Fëmijët qanin dhe i luteshin që të dorëzohej, si negocioi RENEA disa orë me babain. 40-vjeçari pas arrestimit: Qëllova me armë se…
Zbardhen të tjera detaje në lidhje me ngjarjen e rëndë që ndodhi te Shkëmbi i Kavajës në Durrës, ku një baba mbajti për disa orë peng në banesë dy fëmijët e tij të mitur. Gazetari Igli Çelmeta raporton për BalkanWeb se pas disa orësh negociata, u arrit që Aleks Marku të dorëzohej, ndërsa gjatë gjithë kohës RENEA punoi për ta bindur që ai të mos qëllonte më.
Ndërkohë, dramatike ishte dhe fakti se gjatë negociatave mes RENEA-s dhe 40-vjeçarit, dëgjoheshin fëmijët që qanin dhe i luteshin babait të tij që të dorëzohej te autoritetet. Sakaq, kur Maku ka pranuar të hapë derën dhe të shoqërohet nga policia, në gjendje të rënduar psikologjike ka dëshmuar se qëllonte nga dritarja se priste se do ta sulmonin disa persona, por pa treguar se kush.
Ai mësohet se ka qëlluar mbi 15 herë nga dritarja e ballkonit, ndërsa shenjat e plumbave ishin të dukshme në shtëpinë që ai kishte marrë me qira.
