AKTUALITETFIERI YNË TV
“Festa e Grurit” në Pojan/ Festa e traditave, ngjyrave dhe tingujve myzeqarë (Foto)
Qindra vizitorë nga Fieri dhe e gjithë Shqipëria u mblodhën mbrëmjen e djeshme në Pojan për të festuar “Festën e Grurit”, korrjen dhe shirjen e grurit, duke krijuar një atmosferë të mrekullueshme.
Parada e vajzave, parada e makinave bujqësore, ritualet tradicionale të grurit dhe panairi ishin vetëm disa nga momentet që sollën magjinë e kësaj feste, duke u dhënë mundësinë të pranishmëve të përjetojnë traditat e lashta.
Nëpër stendat e panairit, vizitorët kishin mundësinë të shijonin gatimet e bibës në çerep dhe të blejnë prodhimet prej gruri, si dhe produkte të tjera bujqësore unike. Koncerti festiv, me performancën e grupit këngësor qytetar Fierake, ansamblit “Myzeqeja” dhe artistëve të tjerë të njohur, mbushën mbrëmjen me këngë dhe valle.
