Fier: Aksident i rëndë në aksin Fieri – Mbrostar, një i plagosur – Më herët përplasje me 3 makina në qendër
Një aksident rrugor është regjistruar pasditen e sotme në aksin nacional Fieri–Mbrostar, pranë vendit të njohur si “Vija e Ngjalës”. Dy automjete janë përplasur ballazi, duke shkaktuar dëme të konsiderueshme materiale dhe plagosjen e një personi, i cili është transportuar me urgjencë në spitalin rajonal të Fierit.
Sipas të dhënave paraprake, dyshohet se shkak për aksidentin është bërë shpejtësia e lartë në kushte të lagështa rruge.
Ndërkohë, rreth një orë më parë, një tjetër aksident është regjistruar në qendër të qytetit të Fierit, pranë godinës së prefekturës, ku janë përfshirë tre automjete. Edhe në këtë rast, si faktorë kryesorë dyshohet shpejtësia tej normave të lejuara dhe moti i keq.
Policia ndodhet në vendngjarje dhe po punon për zbardhjen e plotë të rrethanave të aksidenteve.
