Fier/ Aksident me pasojë vdekjen e 16-vjeçarit në kryqëzimin e Cakranit, arrestohet 30-vjeçari.
Drejtoria Vendore e Policisë Fier njofton se, në vijim të informacionit të dhënë mbrëmjen e djeshme për aksidentin rrugor të ndodhur në aksin “Levan–Tepelenë”, ku humbi jetën shtetasi O. M., Specialistët e Qarkullimit Rrugor arrestuan shtetasin S. B., 30 vjeç, banues në fshatin Hekal, Mallakastër.
30-vjeçari u arrestua për veprën penale “Shkelje e rregullave të qarkullimit rrugor”, me pasojë vdekjen.
Ndërkohë, Specialistët për Hetimin e Krimit të Komisariatit të Policisë Fier shpallën në kërkim shtetasit L. B., 46 vjeç dhe A. L., 32 vjeç, të cilët dyshohet se për motive të dobëta kanë goditur me grushte shtetasin M. M., 37 vjeç, si dhe e kanë kanosur atë.
Policia bën me dije se po punohet për kapjen e dy shtetasve të shpallur në kërkim, ndërsa materialet procedurale i janë referuar Prokurorisë së Fierit për veprime të mëtejshme.
