KRONIKËSTAR CHANNEL
Fier/ Aksident në lagjen “8 Shkurti”, makina përplas një këmbësore

Fier, 5 Prill 2025 – Rreth orës 11:00 të paradites, në lagjen “8 Shkurti” të qytetit të Fierit, një automjet i drejtuar nga shtetasi L. G., 80 vjeç, ka përplasur një këmbësore.
E lënduara, shtetasja D. K., 64 vjeçe, është transportuar menjëherë në spital, ku po i nënshtrohet ekzaminimeve mjekësore. Fatmirësisht, deri tani nuk raportohet për rrezik për jetën.
Në vendngjarje ndodhet grupi hetimor, i cili po punon për zbardhjen e plotë të rrethanave dhe shkaqeve të aksidentit.