Fier: Arrestohet 44-vjeçari nga Frakulla për dhunë dhe kanosje me thikë ndaj bashkëshortes
Drejtoria Vendore e Policisë në Fier ka arrestuar një 44-vjeçar me inicialet A. M., banues në fshatin Frakull, pas akuzave për ushtrim dhune dhe kanosje ndaj bashkëshortes së tij.
Sipas njoftimit të policisë, A. M. dyshohet se ka përdorur një mjet prerës (thikë) për të kërcënuar bashkëshorten e tij. Mjeti i përdorur në këtë incident është sekuestruar nga autoritetet si provë materiale.
Materialet procedurale janë dorëzuar në Prokurorinë e Fierit për veprime të mëtejshme ligjore.
Drejtoria Vendore e Policë Fier
Komisariati i Policisë Fier arrestoi shtetasit:
-A. M., 44 vjeç, banues në fshatin Frakull, pasi ka ushtruar dhunë ndaj bashkëshortes së tij dhe e ka kanosur atë, me mjet prerës (thikë). Mjeti prerës u sekuestrua në cilësinë e provës materiale;
Materialet procedurale i kaluan Prokurorisë, për veprime të mëtejshme.
