Fier – Arrestohet 53-vjeçari që shiste doza heroine, sekuestrohen drogë, armë dhe para
Fier, 11 qershor 2025 – Policia e Fierit ka finalizuar me sukses operacionin policor të koduar “Moment”, për goditjen e veprimtarisë kriminale të shpërndarjes së drogave të forta në doza të vogla. Si rezultat i këtij operacioni, u arrestua në flagrancë shtetasi Adriatik Mone, 53 vjeç, banues në Fier.
Ky shtetas u kap në lagjen “Liri Gero” teksa po i shiste doza heroine një 37-vjeçari nga Patosi, i identifikuar me inicialet F. D., i cili tashmë po procedohet penalisht në gjendje të lirë.
Gjatë kontrollit fizik dhe në banesën e 53-vjeçarit, Policia sekuestroi:
- Doza heroine të gatshme për shitje
- Një sasi kanabisi në trajtë çokollate
- Një peshore elektronike
- Një krehër pistolete
- Një shumë parash të dyshuara si të përfituara nga aktiviteti kriminal
- Automjeti që përdorej për shpërndarjen e lëndëve narkotike
Operacioni u zhvillua nga Specialistët për Hetimin e Narkotikëve në bashkëpunim me Forcën e Posaçme Operacionale të DVP Fier, në bazë të hetimeve me metoda proaktive.
Materialet procedurale i janë referuar Prokurorisë së Fierit për veprime të mëtejshme ligjore.
📌 Policia e Shtetit vijon punën për garantimin e rendit dhe sigurisë dhe i bën thirrje qytetarëve të denoncojnë çdo paligjshmëri në numrin 112 ose përmes Komisariatit Digjital.
#AngazhimPërkushtimSakrificë 👮🚔
#TëVendosurKundërKrimit ✅
#NëShërbimTëQytetarëve 🤝
