Fier – Arrestohet 55-vjeçari, dyshohet për veprime të turpshme ndaj mbesës së mitur
Shërbimet e Komisariatit të Policisë Fier kanë arrestuar shtetasin V. Gj., 55 vjeç, banues në një nga lagjet e qytetit të Fierit, pasi dyshohet se ka kryer veprime të turpshme ndaj mbesës së tij të mitur, 5 vjeçe.
Burime zyrtare nga policia bëjnë me dije se i arrestuari është shtetasi Vladimir Gjata. Sipas të njëjtave burime, ngjarja është denoncuar nga nëna e vajzës, bashkëshortja e djalit të tij, e cila ka deklaruar se vajza është prekur në pjesë intime nga gjyshi.
Menjëherë pas kallëzimit, policia ka kryer veprimet procedurale për ndalimin e shtetasit të dyshuar, ndërkohë që materialet i janë referuar Prokurorisë pranë Gjykatës së Shkallës së Parë Fier për veprime të mëtejshme.
Ndaj të miturës dhe familjes së saj pritet të ofrohet mbështetje psikologjike, ndërsa hetimet po vijojnë për të zbardhur plotësisht rrethanat e ngjarjes.
Policia apelon për denoncimin e çdo rasti të dhunës apo abuzimit ndaj të miturve, duke garantuar se do të ndjekë me përparësi maksimale çdo sinjalizim të tillë.
