KRONIKËSTAR CHANNEL
Fier – Arrestohet 67-vjeçari që shiti të njëjtin apartament dy herë
Fier – Një 67-vjeçar është vënë në pranga nga policia pasi akuzohet se ka shitur nëpërmjet mashtrimit të njëjtin apartament dy herë.
Hetimi nisi pas denoncimit të shtetasit I. B., 45 vjeç, banues në Fier, i cili raportoi se apartamenti që kishte blerë në vitin 2016 nga shtetasi Nj. V. ishte i banuar nga persona të tjerë. Verifikimet e kryera nga specialistët e Seksionit për Hetimin e Krimit Ekonomiko-Financiar zbuluan se i njëjti apartament ishte shitur përsëri në vitin 2024, kësaj here shtetasit M. D., 32 vjeç.
Reklama në FieriWeb - “PIZZA ITALIA FIER”
Në përfundim të hetimeve, u bë ndalimi i shtetasit Nj. V., 67 vjeç, banues në Fier, i cili akuzohet për veprën penale të “Mashtrimit”.
Materialet procedurale i janë referuar Prokurorisë së Fierit për veprime të mëtejshme.
