FIER/ Dhunoi rëndë një 80-vjeçar dhe bashkëshorten e tij, arrestohet 47-vjeçari nga fshati Povelçë
Policia e Fierit ka arrestuar 47-vjeçarin I. N., banues në fshatin Povelçë, për dhunimin e një 80-vjeçari dhe bashkëshortes së tij. I dyshuari, person me precedent penal, ka goditur me grushta viktimën N.R., 80 vjeç, dhe bashkëshorten e tij, A.R., 77 vjeçe, në ambientet e jashtme të një dyqani ushqimor për motive të dobëta. N.R. ndodhet në gjendje të rëndë shëndetësore, i shtruar dhe i intubuar në spitalin e Fierit, ndërsa bashkëshortja e tij ka marrë mjekim dhe është larguar për në shtëpi.
Materialet janë referuar në Prokurorinë e Fierit për veprën penale “Plagosje e rëndë me dashje”.
Njoftim i Policisë Fier:
Dhunoi fizikisht 80 vjeçarin dhe bashkëshorten e tij, kapet dhe vihet në pranga autori.
80-vjeçari si pasojë e dhunës ndodhet në gjendje të rëndë shëndetësore në spitalin e Fierit.
Specialistët për Hetimin e Krimeve të Rënda të DVP Fier arrestuan shtetasin I. N., 47 vjeç, banues në fshatin Povelçë, Fier, person me preçedent penal për krime ndaj personit.
Në fshatin Povelçë, në ambientet e jashtme të dyqanit ushqimor në pronësi të shtetasit N.R, shtetasi I.N, për motive të dobëta ka goditur me grushta në pjesën e kokës, shtetasin N.R, 80 vjeç dhe bashkëshorten e tij, shtetasen A.R, 77 vjeçe.
Si pasojë e dhunës shtetasi N.R, ndodhet i shtruar dhe intubuar në spitalin rajonal Fier në gjendje të rëndë, në kujdesin e mjekëve. Ndërsa shtetasja A.R pasi ka marrë mjekim është larguar drejt banesës së saj.
Materialet procedurale do të referohen në Prokurorinë pranë Gjykatës së Shkallës së Parë të Juridiksionit të Përgjithshëm Fier për veprën penale ‘‘Plagosje e rëndë me dashje’’.
