KRONIKËSTAR CHANNEL
Fier: Dy persona nën hetim për dëmtim automjetesh, njëri shpallet në kërkim
Policia e Fierit ka nisur procedim penal për një shtetas dhe ka shpallur në kërkim një tjetër, të dyshuar për dëmtim të qëllimshëm të automjeteve.
Sipas Drejtorisë Vendore të Policisë Fier, shtetasi A. Sh., 57 vjeç, banues në Fier, është vënë nën hetim pasi dyshohet se ka çarë gomat e automjetit të shtetases H. K., 32 vjeçe.
Reklama në FieriWeb - “PIZZA ITALIA FIER”
Ndërkohë, specialistët për Hetimin e Krimeve kanë shpallur në kërkim shtetasin K. K., 25 vjeç, i cili akuzohet se ka dëmtuar serbatorin e automjetit të shtetasit E. L., 46 vjeç, me qëllim vjedhjen e karburantit.
Materialet procedurale i janë referuar Prokurorisë së Fierit për veprime të mëtejshme, ndërsa policia vijon punën për kapjen e personit të shpallur në kërkim dhe zbardhjen e plotë të ngjarjeve.
