Fier – I riu gjendet i vetëvarur në fshatin Cakran, policia në vendngjarje
Një ngjarje e rëndë ka ndodhur mesditën e sotme në fshatin Cakran të Fierit, ku i riu Neki Llanaj rreth 28 vjeç është gjetur i pajetë, në rrethana që dyshohet se bëhet fjalë për vetëvrasje me vetëvarje.
Trupi i viktimës është zbuluar nga familjarët, të cilët njoftuan menjëherë shërbimet e Policisë. Uniformat blu kanë mbërritur në vendngjarje dhe, nën drejtimin e Prokurorisë, kanë nisur hetimet për të zbardhur shkaqet dhe rrethanat e ngjarjes.
Paraprakisht dyshohet se i riu i ka dhënë fund jetës përmes vetëvarjes, por pritet konfirmimi zyrtar pas kryerjes së ekspertizës mjeko-ligjore.
Policia Fier/ Informacion paraprak:
Rreth orës 14:00, në fshatin Cakran, është gjetur nga familjarët, pa shenja jete, në oborrin e banesës së tij, shtetasi N. Ll., 28 vjeç, i cili dyshohet se është vetëvarur.
Grupi hetimor po punon për sqarimin e plotë të rrethanave të rastit.
