KRONIKËSTAR CHANNEL
Fier – Kapet dhe ndalohet një 38-vjeçar i shpallur në kërkim për goditje për shkak të detyrës
Policia e Fierit, në bashkëpunim me forcat e Njësisë Speciale RENEA, ka vënë në pranga shtetasin Eldi Nure, 38 vjeç, banues në Fier, i shpallur në kërkim për goditjen e një punonjësi të IEVP Fier, ngjarje e ndodhur më 11 mars 2025.
Gjykata e Fierit i kishte caktuar më herët masën e sigurisë “Arrest në burg” për veprën penale “Goditja për shkak të detyrës”, kryer në bashkëpunim.
Reklama në FieriWeb - “PIZZA ITALIA FIER”
Nga hetimet dyshohet se 38-vjeçari, së bashku me shtetasit M. P., A. M. dhe E. R., ka goditur me grushte punonjësin e institucionit për shkak të detyrës së tij.
Policia po vijon punën për lokalizimin dhe kapjen e personave të tjerë të shpallur në kërkim.
Materialet i janë referuar Prokurorisë pranë Gjykatës së Shkallës së Parë Fier për veprime të mëtejshme procedurale.
