Fier / Operacioni “Transit”: Arrestohen dy shtetase rumune për prostitucion
FIER – Policia e Fierit ka finalizuar operacionin e koduar “Transit”, duke goditur një rrjet të organizuar të prostitucionit në qytet.
Si rezultat i hetimeve të kryera nga Seksioni për Hetimin e Trafiqeve i DVP Fier, në bashkëpunim me Forcën e Posaçme Operacionale, u arrestuan:
- Ionela Duroi, 21 vjeçe, banore në Rumani
- Gabriela Burtea, 45 vjeçe, banore në Rumani
Të dyja kishin marrë me qira një banesë në Fier, të cilën e kishin përshtatur për ushtrimin e prostitucionit.
Gjatë operacionit u sekuestruan:
- 250 euro dhe 5000 lekë, të dyshuara si përfitime nga kjo veprimtari kriminale
- 1 automjet
- 5 celularë
Për këtë rast janë proceduar penalisht edhe dy shtetas (një banues në Divjakë dhe një banues në Fier), përfitues nga kjo veprimtari.
Materialet i janë referuar Prokurorisë së Fierit për veprime të mëtejshme.
Operacioni “Transit” tregon angazhimin e policisë për goditjen e veprimtarive kriminale të prostitucionit dhe shfrytëzimit të njerëzve në qytet.
