Fier/ Përkujtim solemn për 81-vjetorin e Brigadës XI Sulmuese
Në Fier u përkujtua sot një nga ngjarjet më të rëndësishme të Luftës Antifashiste Nacionalçlirimtare – 81-vjetori i krijimit të Brigadës XI Sulmuese.
Në aktivitet morën pjesë përfaqësues të Organizatës së Dëshmorëve të Atdheut, të Organizatës së Veteranëve dhe Pasardhësve të LANÇ-it, si dhe qytetarë të shumtë, të cilët u përulën me respekt dhe mirënjohje për kontributin e popullit fierak në mbështetje të Lëvizjes Antifashiste.
Gjatë ceremonisë u vlerësua roli i veçantë i Brigadës XI Sulmuese në çlirimin e qyteteve të ndryshme të vendit nga pushtuesit gjermanë dhe në përmbushjen e detyrave të tjera luftarake pas çlirimit të Shqipërisë.
Pjesëmarrësit theksuan rëndësinë e kujtesës historike dhe ruajtjes së vlerave të lirisë për të cilat luftuan dëshmorët e Atdheut.
Lavdi Brigadës XI Sulmuese! Lavdi LANÇ-it! 🇦🇱
