Fier – Pesë të ndaluar dhe një në kërkim për djegien e lokalit në Darëzezë
Policia e Fierit ka ndaluar pesë persona dhe ka shpallur në kërkim një tjetër, si të dyshuar për zjarrvënien në një lokal në plazhin e Darëzezës, ngjarje e ndodhur më 30 mars 2025.
Të ndaluarit janë shtetasit Andi Troka, 23 vjeç, Ervaldo Myrtaj, 20 vjeç, Armand Salaci, 20 vjeç, Erion Licaj, 19 vjeç dhe Dorjan Lulaj, 19 vjeç, të gjithë banues në Fier, ndërsa në kërkim është shpallur 19-vjeçari A. R.
Sipas policisë, hetimet po vijojnë për të individualizuar përgjegjësinë penale të secilit prej tyre dhe për të zbuluar shkakun e zjarrit. Materialet procedurale i janë referuar Prokurorisë së Fierit për veprën penale “Shkatërrimi i pronës me zjarr”, kryer në bashkëpunim.
Autoritetet vijojnë punën për kapjen e personit në kërkim dhe për zbardhjen e plotë të ngjarjes.
