Fier – PS denoncon në KQZ kandidaten e PD Samena Malena për hyrje të paligjshme në një qendër votimi në Rushdie
Komisionerët e Partisë Socialiste në Fier kanë depozituar në Komisionin Qendror të Zgjedhjeve një denoncim zyrtar ndaj kandidates së Partisë Demokratike, Aleanca Madhështore, znj. Samena Malena, për hyrje të paligjshme në ambientet e një qendre votimi në shkollën “Sadush Dervishi”, në njësinë administrative Ruzhdie.
Sipas komisionerëve të PS, kandidatja Malena, e cila rezulton të jetë votuese në fshatin Kasnicë, nuk ka të drejtë të qëndrojë apo të hyjë në qendra të tjera votimi, përveç asaj ku voton. Ata pretendojnë se ky veprim përbën shkelje të ligjit zgjedhor. Rasti është raportuar fillimisht pranë KZAZ-së përkatëse, e cila më pas ka ndjekur situatën në terren.
Në denoncimin e shoqëruar me foto dhe video të siguruara nga FieriWeb, kandidatja Malena shihet duke lëvizur në ambientet e shkollës, ndërsa mban një bexhe të KQZ-së në qafë.
