AKTUALITETSTAR CHANNEL
Fier – Vijojnë punimet për sistemimin e rrugëve të brendshme në lagjen “Liri”
Fier – Bashkia Fier vijon punimet për sistemimin e rrugëve të brendshme të pallateve në lagjen “Liri”, rruga “Muharrem Truska”. Ndërhyrja po realizohet nga Ndërmarrja e Shërbimeve Publike dhe synon përmirësimin e infrastrukturës për banorët e zonës.
Punimet përfshijnë rehabilitimin e trotuareve, nivelimin dhe asfaltimin e rrugëve të brendshme, duke garantuar një qarkullim më të sigurt për këmbësorët dhe automjetet. Ky investim është pjesë e Buxhetit të Bashkisë Fier 2025, i cili ka në fokus rritjen e cilësisë së jetesës për qytetarët.
Bashkia Fier vijon angazhimin për modernizimin e infrastrukturës në lagjet e qytetit, me qëllim krijimin e një mjedisi më të rregullt dhe të aksesueshëm për të gjithë banorët.
