FIER/ Zhduket peshkatari, dyshohet se është mbytur në ujërat e lumit Vjosë, vijojnë kërkimet nga Polumbarët e RENEA-s
Drejtoria Vendore e Policisë Fier njofton se Specialistët për Hetimin e Krimeve të Komisariatit të Policisë Fier kanë referuar materialet në Prokurori, pas kallëzimit të bërë nga shtetasi Sh. S., 64 vjeç, banues në Berat.
Sipas deklaratës së tij, më datë 16 janar 2025, ai ishte duke peshkuar në lumin Vjosë, në fshatin Kashishtë, së bashku me shokun e tij, shtetasin E. K., 63 vjeç, gjithashtu banues në Berat. Pas këtij momenti, 63-vjeçari ka humbur kontaktet dhe ende nuk dihet vendndodhja e tij.
Policia dhe ekipet e Polumbarëve të RENEA-s po vijojnë kërkimet në zonë për gjetjen e shtetasit të zhdukur. Materialet procedurale i janë referuar Prokurorisë së Fierit për veprime të mëtejshme.
Hetimet janë në vijim dhe autoritetet mbeten të angazhuara për zbardhjen e plotë të rrethanave të ngjarjes.
