AKTUALITETSTAR CHANNEL
Fluks pushuesish në fundjavë/ Mbi 600 pasagjerë mbërrijnë në Vlorë nga Italia – e diela me numrin më të lartë të mbërritjeve në port.
Sezoni turistik në Vlorë ka hyrë në kulmin e tij, ndërsa fundjavat po sjellin një rritje të ndjeshme të numrit të vizitorëve në qytetin bregdetar. Vetëm të dielën në mëngjes, mbi 600 pasagjerë mbërritën në portin e Vlorës nga portet italiane, shifra më e lartë e regjistruar deri më tani për këtë sezon.
Përveç turistëve vendas dhe të huaj, këtë vit vihet re një prani e shtuar e emigrantëve shqiptarë, kryesisht nga Italia, të cilët zgjedhin të kalojnë pushimet verore pranë familjeve të tyre në atdhe.
Reklama në FieriWeb - “PIZZA ITALIA FIER”
Sipas autoriteteve portuale, pritet që ky trend të vazhdojë gjatë gjithë muajve korrik dhe gusht, duke reflektuar interesin e lartë për destinacionet bregdetare shqiptare.
