AKTUALITETKRONIKËVIDEO
Furgoni Bie në Lum në Elbasan, Shoferi Arrin të Shpëtojë
Një aksident ka ndodhur sot në Elbasan, ku një furgon ka rënë në lumin Shkumbin. Pamjet e siguruara nga FieriWeb tregojnë mjetin e tipit furgon të zhytur në ujë.
Sipas informacioneve të para, fatmirësisht nuk ka të plagosur, pasi shoferi, i cili është nga Fieri, ka arritur të dalë nga mjeti.
Dëshmitarët në vendngjarje raportojnë se një mjet tjetër i ka prerë rrugën furgonit, çka mund të ketë shkaktuar aksidentin.
Autoritetet janë në vendin e ngjarjes për të hetuar më tej incidentin.
