POLITIKËSTAR CHANNEL
Gazment Bardhi mobilizon strukturat e PD në Fier për zgjedhjet e 11 Majit
Fier – Drejtuesi politik i Partisë Demokratike për qarkun e Fierit, Gazment Bardhi, ka zhvilluar një mbledhje me Shtabin e Qarkut në kuadër të përgatitjeve për zgjedhjet e 11 Majit. Përmes një mesazhi në rrjetet sociale, Bardhi u shpreh se Fierit i duhen ndryshime dhe se ekipi i PD-së, i përbërë nga burra, gra, djem dhe vajza të përkushtuar, është një garanci për këtë proces.
Mbledhja e Shtabit të Qarkut vjen në një moment kur partitë politike po intensifikojnë përgatitjet për fushatën elektorale, ndërsa pritet që gara në Fier të jetë mjaft e fortë.
