Gentian Koçi konfirmon kandidaturën në listën e hapur të PD-së për Qarkun Fier
Demokrati Gentian Koçi ka bërë të ditur se do të jetë pjesë e garës elektorale të 11 majit në listën e hapur të Partisë Demokratike në Qarkun Fier. Në një mesazh drejtuar mbështetësve të tij, ai ka shprehur mirënjohjen për vlerësimin e marrë në procesin e primareve brenda PD-së dhe ka theksuar se vendimi për të kandiduar bazohet në respektin ndaj anëtarësisë dhe kontributit të tij opozitar ndër vite.
“Vetëbesimi dhe forca ime mbështetet tek ju si vlerësuesit më të rëndësishëm e legjitim! Në këtë garë, misioni im është një dhe i vetëm: demokratët të jenë fitues më 11 maj!”, shkruan Koçi, duke ritheksuar përkushtimin e tij për të përfaqësuar me dinjitet mbështetësit e PD-së.
Ai theksoi gjithashtu se ky proces nuk ka përjashtuar askënd dhe se të gjithë kontribuuesit në PD janë të vlerësuar. Me këtë angazhim, Koçi rikërkon mbështetjen e demokratëve për të vijuar rrugëtimin e tij politik në zgjedhjet e ardhshme.
