Gjetja e velierës me armë në Spille, Karamuço: Shkëmbim droge dhe parash, drejtuesi i saj mund të jetë vrarë
Eksperti i kriminalistikës, Ervin Karamuço ka folur lidhur me sekuestrimin nga policia të anijes, pasi u pikas duke kryer lëvizje të pakontrolluara e më pas ngeci në rërë disa metra larg bregut në fshatin Karpen.
Karamuço tha se këto veliera vijnë në vendin tonë, ndërsa shprehet se shkëmbejnë drogë dhe para në brigje të caktuara.
Eksperti i kriminalistikës tha gjithashtu se fakti që brenda mjetit lundrues nuk u gjet asnjë person, kjo tregon që drejtuesi mund të jetë vrarë dhe veliera ka ardhur e pa drejtuar nga askush.
“Policia italiane dhe kroate, malazeze, greke edhe ne, jemi përpara një fenomeni të ri. Jemi përpara një fenomeni ku vijnë veliera që shkëmbejnë drogë dhe para në brigje të caktuara të këtyre shteteve. Duhet të ketë ndodhur një shkëmbim, mendoj sepse nuk është gjetur mall… Atëherë mund të themi se ky është vrarë dhe veliera ka ardhur në brigjet tona i pa drejtuar nga askush”, tha Kramuço për “TCH”.
