Grupi kriminal që u zbulua përmes “Sky ECC”/ Nga Erzen Breçani te shefi i Krimeve dhe zyrtarja e policisë! Kush janë personat e arrestuar! Në kërkim edhe Ervin Mata
Një tjetër grup kriminal është zbërthyer përmes aplikacionit “SKY Ecc”. Me urdhër të Prokurorisë së Posaçme (SPAK) sot (20 nëntor) u zhvillua një operacion i gjerë, ku u lëshuan 11 urdhër arreste, disa prej të cilave u ekzekutuan.
Mes të arrestuarve ka edhe zyrtarë të lartë policie. Një prej tyre është edhe Dedan Gjoni,shef i krimeve në komisariatin e Policisë numër 6. Po ashtu në pranga u vu edhe Erzen Breçani, ish-nëndrejtor i policisë së Tiranës. Ai u arrestuar në afërsi të stadiumit “Air Albania”. Ndaj tij, rëndon akuza e përkrahjes së autorit të krimit. Në pranga ka rënë edhe djali i tij i madh.
Dedan Gjoni
Në kërkim në kuadër të këtij operacioni është shpallur në kërkim Ervin Mata, ndaj të cilit është lëshuar masë sigurie.
Në pranga ka përfunduar Jonida Babameto,oficere e drejtorisë së kufirit dhe migracionit. Ndaj tyre rëndojnë akuzat si ‘Grup i strukturuar kriminal’, ‘trafik droge’ dhe ‘sigurim i kushteve për vrasje’. “Bëhet fjalë për 11 persona të akuzuar për trafik droge, grup i strukturuar kriminal, sigurim kushtesh për të siguruar vrasje.
