KRONIKËSTAR CHANNEL
Himarë – Kapen duke shitur karburant pa kasë fiskale, procedohen penalisht administratori dhe menaxheri i një karburanti
Policia e Vlorës ka proceduar penalisht dy persona, pasi u kapën duke furnizuar mjete lundruese me karburant, në mënyrë të paligjshme, pa përdorur pajisje fiskale.
Reklama në FieriWeb - “BREGU CLIMA”
Specialistët për Hetimin e Krimeve Ekonomike dhe Financiare, pas informacioneve të marra në rrugë operative, ushtruan kontroll në një subjekt që operon në portin e Himarës, ku konstatuan se rreth 6000 litra benzinë po shiteshin me autobot, pa përdorur kasë fiskale, në shkelje të ligjit për fiskalizimin.
Në përfundim të kontrollit, u proceduan penalisht:
- S. K., 40 vjeç, banues në Krujë, administrator i karburantit;
- M. R., 51 vjeç, banues në Himarë, menaxher i karburantit.
Materialet hetimore iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
