AKTUALITETKRONIKË
Identifikohet shqiptarja që u gjet e vrarë/ 40-vjeçarja kishte denoncuar dhunën në familje, shpallet në kërkim ish-bashkëshorti
Zbardhen të tjera detaje në lidhje me ngjarjen e rëndë ku një 40-vjeçare shqiptare u gjet e pajetë në rrugë. Sipas informacioneve, 40-vjeçarja shqiptare Enkelejda Danaj kishte bërë dy denoncime për dhunë në familje ndaj ish-bashkëshortit të saj, i cili tashmë është në shënjestër të autoriteteve dhe në kërkim.
Ankesa e parë është bërë në shtator 2022 dhe e dyta shumë më vonë, të Shtunën e Madhe në AT Peristeri. Në të njëjtën kohë, dyshohet se është një dëshmitar, i cili pretendon se e ka parë gruan në momentin që u godit me thikë.
Trupi i 40-vjeçares u gjet në kryqëzimin e rrugëve Parnithos dhe Aristotelous. Ajo është pikasur rreth orës 06:00 nga një banor i zonës dhe ka njoftuar policinë.
