Ishte pjesë e klanit “Çela”, përfundon në pranga 48-vjeçari shqiptar që drejtonte grupin e trafikut të drogës në Itali
Policia italiane arrestoi një shtetas shqiptar 48-vjeçar, i cili zbarkoi në aeroportin e Linates për t’iu nënshtruar masës së paraburgimit në burg, pasi po hetohej për veprën e bashkimit kriminal me qëllim trafikun ndërkombëtar të drogës.
Personi u arrestua në Madrid më 21 janar 2025, në ekzekutim të urdhrit evropian përkatës , në kuadër të operacionit të njohur konvencionalisht si “Icarus”, pasi u identifikua falë kontributit të Shërbimit për Bashkëpunimin Ndërkombëtar Policor, Zyrës së Ekspertit të Sigurisë në Tiranë, Ekspertit të Sigurisë në Madrid dhe Policisë spanjolle. Sipas akuzave, ai ishte kreu i një grupi të trafikut të drogës në zonën e Brescias.
Të kryera nga Skuadra SISCO e Brescia-s dhe Shërbimi Qendror Operativ dhe i koordinuar nga Drejtoria Antimafia e Qarkut e Prokurorisë Publike të Brescias dhe SPAK, hetimet përfshinin 40 të dyshuar dhe çuan në dhënien e 20 masave paraprake të lidhura me trafikun e gjerë të drogës si dhe episode të shumta të shitjes së lëndëve narkotike.
Grupi, në krye të celulës së të cilit u identifikua shqiptari i arrestuar në Brescia, duket se është pjesë e një prej grupeve kryesore kriminale shqiptare, klanit “Çela” të Elbasanit me në krye Suel Çelën dhe është treguar se ka lidhje të vazhdueshme dhe të rëndësishme në Kolumbi, Ekuador dhe Emiratet e Bashkuara Arabe, konkretisht në Dubai, ku jetojnë disa nga trafikantët më të rëndësishëm shqiptarë.
