KRONIKËSTAR CHANNEL
Ishte zhdukur prej dy ditësh, policia gjen trupin e pajetë të Naim Likometit në plazhin e Gjirit të Hartës
Sarandë – Një 50-vjeçar nga Tirana është gjetur i pajetë mesditën e sotme në vendin e quajtur “Gjiri i Hartës” në Sarandë.
Sipas burimeve policore, trupi i shtetasit N. L. u gjet pas kërkimeve të pandërprera nga shërbimet e Policisë Sarandë dhe Policisë Kufitare, të cilat nisën pas kallëzimit të bërë dje nga bashkëshortja e tij për humbjen e kontakteve.
Nga hetimet paraprake dyshohet se 50-vjeçari mund të jetë vetëmbytur, por grupi hetimor po vijon punën për zbardhjen e plotë të rrethanave të ngjarjes.
Autoritetet ende nuk kanë dhënë detaje të mëtejshme mbi shkaqet e mundshme të kësaj tragjedie.
