ITALI / Parakalimi i gabuar i 29-vjeçares shqiptare u merr jetën dy personave, tetë të plagosur
Një aksident i rëndë rrugor me pasojë dy viktima dhe tetë persona të plagosur ka ndodhur në Caravaggio të Italisë, ku u përfshinë katër automjete.
Ngjarja ndodhi rreth orës 12:30 të së dielës, më 15 mars, në rrugën provinciale 185 “Rivoltana”, në segmentin që të çon drejt Mozzanica, pranë një restoranti të zonës.
Sipas rindërtimit paraprak të hetuesve, aksidenti dyshohet se është shkaktuar nga një parakalim i rrezikshëm i një automjeti tip Mercedes C180, i drejtuar nga një 29-vjeçare me origjinë shqiptare, residente në Calvenzano.
Mësohet se e reja tentoi të parakalonte një Volkswagen Sharan, në të cilin udhëtonte një familje me pesë persona nga Madignano, në provincën e Crema. Përplasja e fortë përfshiu edhe dy automjete të tjera, duke shkaktuar bilancin tragjik.
Dinamika e plotë e aksidentit vijon të hetohet nga Policia Rrugore e Treviglio.
