“Jam amerikan, jo shqiptar, lihet në burg 42-vjeçari që tentoi të vriste efektivin e “Shqiponjave”, zbardhet kërkesa e avokatit
Gjykata e Tiranes ka lënë në burg 42-vjecarin Klered Bozhanajn që tre ditë me parë plagosi me arme zjarri efektivin Edlir Alleshi.
Në seancen për caktimin e mases se sigurisë, ai deklaroi se është amerikan dhe jo shqiptar, duke shfaqur paqëndrueshmëri mendore edhe me gjykatë.
Edhe avokati i tij i mbrojtjes Roland Llalla, kerkoi ekspertim te gjendjes mendore dhe shtrim te detyruar spitalor, por gjykata caktoi arrest ne burg.
Ngjarja ndodhi në zonën e Kinostudios në Tiranë tre ditë më parë ku patrulla e “Shqiponjave” kishin marrë informacion për një person që lëvizte i armatosur. Në momentin që kanë tentuar të ndalonin 42-vjeçarin, ai ka qelluar në drejtim të tyre ku për pasojë mbeti i plagosur me plumb në bark efektivi Alleshi, i cili ndodhet jashtë rrezikut për jetën.
