Në kuadër të përgatitjeve për procesin zgjedhor të 2025-ës, ka nisur zyrtarisht shpërndarja e kutive të votimit dhe materialeve të tjera zgjedhore nga Komisionet Zonale të Administrimit Zgjedhor (KZAZ) drejt qendrave të votimit në territorin e Bashkisë Fier.
Procesi po zhvillohet nën masa të rrepta sigurie dhe në përputhje të plotë me afatet ligjore të përcaktuara nga Komisioni Qendror i Zgjedhjeve. Në Bashkinë e Fierit janë ngritur tre KZAZ, të cilat do të mbulojnë shpërndarjen në 97 qendra votimi.
Materialet zgjedhore përfshijnë kutitë e votimit, fletët e votimit, dhomat e fshehtësisë dhe dokumentacionin përkatës, të cilat do të jenë gati për përdorim në ditën e votimit.
Institucionet përgjegjëse sigurojnë se gjithçka po zhvillohet në mënyrë transparente dhe në përputhje me standardet demokratike.
