Keisi Hoxhaj, 10 vjeçarja fierake që po shkëlqen në botën e modelimit dhe muzikës në Angli
Në epokën digjitale të kohëve moderne, edhe fëmijët kanë gjetur rrugën e tyre drejt dëshirave dhe mundësive për ti realizuar ato. Një shembull i kësaj përpjekje është Keisi Hoxhaj, një vogëlushe fierake vetëm 10 vjeçe, e cila po ndjek rrugën e suksesit në botën e modelimit, aktrimit dhe muzikës në Angli, ku ajo jeton prej disa vitesh.
Keisi ka shfaqur pasion dhe një talent të rrallë jashtëzakonisht të madh për moshën e saj. Në bashkëpunim me Agjensinë “The blue room Manchester”, ajo ka mundur të realizojë ëndrrat e saj në fushën e modelimit. Fotografitë e saj të bukura dhe prezenca e saj natyrale para kamerës tregojnë vetëbesim dhe një personalitet të veçantë në paraqitjet e saj.
Ajo ka marrë pjesë me sukses në konkursin “Mis & Mister Children Albania”në qytetin e Fierit me perfaqesuese Albana Çakshirin duke arritur të tërheqë vëmendjen me paraqitjen e saj. Për më tepër, ajo në tetor është përzgjedhur nga organizatorja e eventeve për fëmijë në Shqipëri, Albana Çakshiri, për të përfaqësuar Shqipërinë në një konkurs të rëndësishëm në Turqi.
Përveç modelimit, Keisi ka treguar interes edhe në muzikë. Ajo është duke punuar për krijimin e këngëve të para dhe shumë shpejt do të nxjerrë këngën e saj të parë në Turqi, falë mbështetjes së Albana Çukos.
Ky hapi i ri në rrugën e saj tregon një dimension tjetër të talentit të saj dhe dëshirën për të shprehur ndjenjat dhe historitë e saj nëpërmjet melodisë.
Historia e Keisi Hoxhaj është një shembull frymëzues për të gjithë ata që ndjekin pasionin e tyre, pavarësisht moshës së tyre dhe tregon se ëndrrat mund të bëhen realitet nëse kemi vullnetin dhe përkushtimin për t’i arritur ato.
