Këshilli i Mandateve vendos sot për imunitetin e Berishës, opozita proteston para Kryesisë së Kuvendit
Ditën e sotme në orën 11:30 opozita proteston para Kryesisë së Kuvendit teksa gjysmë orë më pas, në një prej ambienteve të kësaj godine, Këshilli i Mandateve do të mblidhet për të marrë në shqyrtim kërkesën e SPAK-ut, që kërkon dhënien e autorizimit për arrestimin e ish-Kryeministrit Sali Berisha.
Vetë Berisha nuk ka marrë ende një vendim nëse nesër do jetë përballë socialistëve dhe prokurorëve të SPAK-ut, apo do të përfaqësohet me avokatët e tij në këtë mbledhje.
Pavarësisht vendimarrjes së nesërme të këshillit, ish-Kryeministri është shprehur se do ta njohë vendimin e Parlamentit.
Në lidhje me protestën e sotme, komisariatet e policisë do të jenë në gatishmëri dhe për mbarëvajtjen e tij.
Por opozita ka paralajmëruar edhe për ditën e enjte në tjetër protestë përpara Parlamentit. Prej kohësh demokratët kishin paralajmëruar për përshkallëzimin e aksionit opozitar, deri në mosbindje civile.
