KRONIKË
Kishin humbur në Karaburun, gjendet çifti francez mes shkurreve pa ujë dhe ushqim
Pas disa orësh kërkim në Karaburun, rreth orës 2:00 është gjetur shëndosh e mirë çifti francez që kishte humbur orientimin.
Specialistët e ADZM dhe një punonjës të policisë së Postës së Orikumit, pasi kanë shkuar në vendin që çifti kishte nisur si vendndodhje, në errësirë të plotë ata kanë bërë të mundur gjetjen e çiftit francez që po rrinin në mes të shkurreve në vendin e quajtur Qafa e Thellë në Karaburun.
Ata kishin ngelur pa ujë dhe ushqim. Pasi i kanë dhënë ujë dhe fruta, ata kanë zbritur në Orikum rreth orës 2:00-2:30 në gjendje të mirë shëndetësore.
