AKTUALITETKRONIKË
Kishte humbur kontaktet prej 3 ditësh, gjendet i pajetë çobani në Selenicë
Një 47-vjeçar, i cili kishte humbur kontaktet prej tre ditësh me pronarin e stanit ku punonte, është gjetur i vdekur në malin e fshatit Gjormë. Mësohet se ai ka humbur jetën për shkaqe natyrale.
“Stacioni i Policisë Selenicë referoi materialet në Prokurori, për vlerësim, pasi më datë 24.10.2024, në malin e fshatit Gjormë, dyshohet se ka humbur jetën, për shkaqe natyrale, shtetasi 47 vjeç, banues në Elbasan, i cili ishte punësuar si çoban në atë zonë dhe prej datës 21.10.2024 kishte humbur kontaktet me pronarin e stanit ku punonte”, thuhet në njoftimin e policisë.
Ndërkohë, materialet iu referuan Prokurorive, për veprime të mëtejshme./abcnews.al
