Kishte krijuar depo poshtë timonit të mjetit, kapet me 2.5 kilogramë kokainë shqiptari në Greqi
Autoritetet policore kanë kapur një sasi të madhe droge gjatë një hetimi që kanë zhvilluar ndaj një 34-vjeçari.
Sipas informacioneve, gjithçka ka ndodhur kur efektivët e policisë, duke pasur informacione të duhura për veprimet e 34-vjeçarit nga Shqipëria, kanë kryer kontrollin e makinës dhe banesës së tij në Hania.
Në fakt, gjatë kontrollit në makinë, autoritetet gjetën një depo poshtë timonit ku 34-vjeçari kishte një qese me kokainë.
Në total, autoritetet gjetën dhe sekuestruan 2 kilogramë e 465 gramë kokainë, e ndarë në 197 pako të improvizuara, 1 peshore precize, 3.000 euro të ardhura nga trafiku i drogës, 1 celular si mjet për lehtësimin e komunikimit në tregtimin e drogës dhe
3 media dixhitale për ruajtjen e të dhënave (USB sticks). Gjithashtu u sekuestrua një automjet privat. si mjet transporti droge.
Hetimet paraprake po kryhen nga Departamenti i Narkotikëve pranë nëndrejtorisë së Prokurorisë dhe Hetimit të Krimeve Hania.
