Një ngjarje tragjike ka ndodhur në një familje shqiptare në Florida ku 34-vjeçari Renato Muhaj vrau ish-gruan dhe rrëmbeu vajzën e tyre 8 vjeçe për disa orë.
34-vjeçari për motive që ende nuk janë zbuluar ka vrarë në banesë ish gruan Suela Saliaj.
Suela, 32-vjeçe me origjinë nga Mallakastra, punonte si bankiere në SHBA dhe ishte nëna e një vajze të mitur 8 vjeçe. Në profilin e saj në Linkedin, Suela liston një sërë aftësish të saj, ndërkohë që ka më shumë se 5 vite eksperiencë në shërbimin e klientit në banka. Ajo jetonte prej vitesh në SHBA dhe bashk me të kishin emigruar më pas dhe prindërit si dhe vëllai i saj.
32-vjeçarja u gjet e vdekur në banesë nga punonjësit e policisë, ndërkohë që 34-vjeçari Renato Muhaj që rrëmbeu vajzën 8 vjeçe u arrestua disa orë më vonë.
Mediat amerikane raportuan se 34-vjeçari fillimisht ka goditur dy prindërit e tij dhe u ka marrë celularët në mënyrë që ata të mos telefononin policinë për vrasjen e kryer.
Renato Muhaj akuzohet për vrasjes të shkallës së parë, rrëmbim dhe abuzim të fëmijëve.
