Konflikti për pronat/ Fier, arrestohet 50-vjeçari, qëlloi me armë në drejtim të vëllait të tij
Policia ka arrestuar 50-vjeçarin Shpëtim Konja, i cili qëlloi me armë në drejtim të vëllait të tij, Zarif Konja, ku fatmirësisht të shtënat nuk kanë prekur mbi të.
50-vjeçari akuzohet për veprat penale “Kanosja”, “Dhuna në familje” dhe “Shkatërrimi i pronës”.
Dy vëllezërit janë konfliktuar me njëri-tjetrin dhe sherri ka degraduar në përdorimin e armëve, pas një debate për motive pronësie.
Shënjestër është bërë një mjet i parkuar në anë të rrugës dhe tenda e një lavazhoje.
Njoftim i Policisë Fier/ Divjakë:
Në lidhje me ngjarjen e mbrëmshme, në fshatin Fierseman, informojmë se në vijim të veprimeve procedurale, specialistët për Hetimin e Krimeve të Komisariatit të Policisë Divjakë bënë arrestimin në flagrancë të shtetasit Sh. K., 50 vjeç, për veprat penale “Kanosja”, “Dhuna në familje” dhe “Shkatërrimi i pronës”.
Gjithashtu, nisi procedimi në gjendje të lirë për shtetasin A. G., 57 vjeç, për veprën penale “Dëmtime të tjera me dashje”.
Specialistët për Hetimin e Krimeve të Komisariatit të Policisë Divjakë referuan
materialet në Prokurori, ku nisi procedimi penal për shtetasin B. N., 43 vjeç (me probleme të shëndetit mendor), pasi dyshohet se ka hyrë me mjet prerës (thikë) në dorë, në ambientet e një supermarketi.
Materialet procedurale iu referuan Prokurorisë së Fierit, për veprime të mëtejshme.
